Joh 16 | Ndebele | STEP | Lezizinto ngi zi khulume kini , ukuze lingakhubeki .

1 Lezizinto ngizikhulume kini ^a, ukuze lingakhubeki ^b. 2 Bazalikhupha emasinagogeni ^c; yebo isikhathi siyeza ^d, lapho wonke olibulalayo ^e ezacabanga ukuthi wenzela uNkulunkulu inkonzo ^f. 3 Lalezizinto bazazenza kini, ngoba bengamazanga uBaba loba mina ^g. 4 Kodwa ngikhulume lezizinto kini ^h, ukuze lapho sesifikile isikhathi, lizikhumbule ukuthi mina ngalitshela ⁱ. Kodwa lezizinto kangizikhulumanga kini kwasekuqaleni, ngoba bengilani ^j.

5 Kodwa khathesi ngiyahamba ngiya kongithumileyo ^k, kanti kakho kini ongibuza ukuthi: Uya ngaphi ^l? 6 Kodwa ngoba ngikhulume lezizinto kini, usizi lugcwalise inhliziyo yenu ^m. 7 Kodwa mina ngilitshela iqiniso: Kulilungele ukuthi mina ngihambe; ngoba nxa ngingahambi, uMduduzi ⁿ kayikuza kini ^o; kodwa nxa ngihamba ^p, ngizamthuma kini ^q. 8 Njalo nxa esefikile yena uzaqinisekisa umhlaba ngesono langokulunga langesigwebo ^r; 9 ngesono ^s, ngoba kabakholwa kimi ^t; 10 langokulunga ^u, ngoba ngiya kuBaba, kalisayikungibona ^v; 11 langesigwebo ^w, ngoba umbusi walumhlaba ^x usegwetshiwe ^y.

12 Ngiseselezinto ezinengi engingalitshela zona ^z, kodwa lingezithwale khathesi ^aa; 13 kodwa nxa yena esefikile, uMoya weqiniso ^ab, uzalikhokhelela eqinisweni lonke; ngoba kayikuzikhulumela ngokwakhe, kodwa loba yini ayizwayo uzayikhuluma ^ac, alibikele ^ad izinto ezizayo ^ae. 14 Yena uzangidumisa ^af, ngoba uzathatha okungokwami ^ag, alibikele khona ^ah. 15 Konke uBaba alakho, kungokwami ^ai; yikho-ke ngisithi uzathatha okungokwami ^aj, alibikele khona ^ak.

Ukuvalelisa kukaJesu

16 Okwesikhatshana futhi kaliyikungibona ^al, kubuye kube yisikhatshana libe selingibona ^am, ngoba mina ngiya kuBaba ^an. 17 Ngakho abanye kubafundi bakhe bakhulumisana besithi: Kuyini lokho akutsho kithi: Okwesikhatshana, futhi kaliyikungibona, kubuye kube yisikhatshana libe selingibona; lokuthi: Ngoba mina ngiya kuBaba ^ao? 18 Basebesithi: Kuyini lokhu akutshoyo ukuthi: Okwesikhatshana? Kasazi ukuthi utshoni.

19 UJesu wayesesazi ukuthi babethanda ukumbuza ^ap, wasesithi kubo: Liyabuzana ngalokho yini, ukuthi ngithe: Okwesikhatshana futhi kaliyikungibona, kubuye kube yisikhatshana libe selingibona ^aq? 20 Ngiqinisile, ngiqinisile, ngithi kini: Lina lizakhala lilile ^ar, kodwa umhlaba uzathokoza; futhi lizakuba losizi lina, kodwa usizi lwenu luzaphendulwa lube yintokozo ^as. 21 Owesifazana nxa ebeletha ulobuhlungu, ngoba ihola lakhe selifikile; kodwa nxa esebelethe usane, kasakhumbuli ubuhlungu, ngenxa yentokozo yokuthi kuzelwe umuntu emhlabeni ^at. 22 Ngakho lani-ke lilosizi khathesi ^au; kodwa ngizabuya ngilibone, lenhliziyo yenu ithokoze, njalo kakho ongalemuka intokozo yenu ^av.

23 Langalolosuku kaliyikungibuza lutho ^aw. Ngiqinisile, ngiqinisile, ngithi kini: Loba kuyini elizakucela kuBaba ebizweni lami uzalinika ^ax. 24 Kuze kube khathesi kalicelanga lutho ebizweni lami; celani, lizakwemukeliswa, ukuze intokozo yenu igcwale ^ay.

25 Ngikhulume izinto lezi kini ngemifanekiso; kodwa isikhathi siyeza lapho ngingasayikukhuluma kini ngemifanekiso, kodwa ngizalitshela ngoBaba ngokucacileyo ^az. 26 Ngalolosuku lizacela ebizweni lami; njalo kangitsho kini ukuthi ngizalicelela mina kuBaba ^ba; 27 ngoba uBaba uqobo uyalithanda, ngoba lina lingithandile ^bb, likholiwe ^bc ukuthi mina ngiphume kuNkulunkulu ^{bd
,} ^be. 28 Ngiphume kuBaba, njalo ngeza emhlabeni ^{bf
,} ^bg; ngiyasuka futhi emhlabeni, ngiya kuBaba ^bh.

29 Abafundi bakhe bathi kuye: Khangela khathesi ukhuluma ngokucacileyo ^bi, njalo kawukhulumi lamfanekiso. 30 Khathesi siyazi ukuthi uyazi izinto zonke, njalo kawudingi ukuthi umuntu akubuze ^bj; ngalokhu siyakholwa ^bk ukuthi uphume kuNkulunkulu ^{bl
,} ^bm. 31 UJesu wabaphendula wathi: Selikholwa yini ^bn? 32 Khangelani, ihola liyeza, yebo selifikile ^bo, elokuthi lihlakazeke ^bp ngulowo lalowo ^bq aye kubo, lingitshiye ngingedwa ^br; kanti kangingedwa, ngoba uBaba ulami ^bs. 33 Ngikhulume lezizinto kini, ukuze libe lokuthula kimi ^bt. Emhlabeni lizakuba lenhlupheko ^bu; kodwa manini isibindi ^bv, mina ngiwunqobile umhlaba ^bw.